Ebaruha erikwetoroora - okwa ikumi n`ebiri 1996

“Yesu Kristo, Niwe Omwe nyumwabazyo, kandi n`erizooba, kandi n`ebiro byona.” (Abaheburaayo 13:8)

Ebaruha erikwetoroora okwa ikumi n`ebiri 1996

Endamutsyo z`omutaano ahari imwe, ab`eishe-emwe hamwe n`ab`eishe-emwe-kazi omu iziina rya MUKAMA waitu YESU KRISTO eri rurungi. Embabazi hamwe n`obusiingye bwa Ruhanga bigume niiwe. N`ana Ekigambo eki omufakazi yagambiire nabi Eliya, bwanyima ya mutabani we ku yamazire kuzoorwa omu bafu kandi Ekigambo kikamuhamibwa, ninyenda kubaramutsya mweena:

“Mbwenu naamanya ku ori omushaija wa Ruhanga,kandi n`Ekigambo kya Ruhanga eki ori kugamba ku kiri eky`amazima.” (1 Abagabe: 17:24).

Omuntu ashemeire kumanya ebintu bibiri: eky`okubaanza, omuntu ku arikuba ari omuntu wa Ruhanga buzima, kandi ekya kabiri, Ekigambo kya MUKAMA eki kuruga omu kanwa ke ku kkikuba eky`amazima. Ruhanga agumire nahamya Ekigambo kye ekyarangiriirwe abairu be.

Ekigambo kya Ruhanga n`amazima, kwonka kishemereire kurekwa nk`oku kyarugire omu kanwa Ke. Ako niko kabaire kari akamanyiso ka nabi ow`amazima ou Ekigambo kya Ruhanga kyabiire nikirabiramu kandi akaba nakora omurimo gumwe gwonka, ngu omuntu abase kwetegyereza Ebigambo bya Ruhanga omu bwijwiire bwabyo.

Ruhanga Akaragiira nabi we Musa, “N`ahabwekyo irooko ogyende, ndyaba ndi hamwe na kanwa kawe, nkuhabure ebi ori gamba.” (Okuruga 4:12). Kandi hariho enyegyesa endiijo, egyendereirwe kutambuza Ebigambo ebihiirwe nabi. Musa akagambirwa kuta Ebigambo ebi yatungire kuruga ahari Ruhanga omu kanwa ka Arooni, ngu abaasa kubihitsya abantu (enyiriri 15-16). Ahari abo abarikutambuza Ekigambo omu bwiira nibabasa kukikora nk`oku Arooni yabiire ari haihi na nabi, ngu ahonaaho ebiragiro ebiri kubaanza bihakanisibwe kandi ba ruhanga abandi bakorwe, abatashemereire kuba enyina y`ezaabu. Okutandikaho kwa »bwa ruhanga obubaizirwe« kikaba “kituraamu”. Obutareeba ni bweyoreka kukozesebwa kubi kwabwo kandi ni kiguma nikibaho. Obwe okuzina n`okwetororera enyina y`ezaabu nikugyenda omu maisho na amaani okurangirira kuriyo nikukorwa, “Nyencakare nihaija kubaho obugyenyi bw`ekiro kikuru kya MUKAMA.” (Okuruga 32:5), n`obu haraabe hariho ekindi kintu ekiriyo nikihimbisibwa.

Omu buri kanwa k`omuntu weena owayetsirwe nka Eliya Ekigambo gakaba gari amazima. Kwonka shi abo abari kutambuza Ekigambo omwanya gwaabo ni guuha? Entumwa zikatunga Ekigambo ekya shuurwiirwe kuruga ahari MUKAMA, kandi tushemereire kukitambuza omu muriingo ogwa bandize. Ba nabi hamwe n`entumwa bakemerera kandi n`oburi hati bari ahansi y`obwebembezi bumwe kandi oburiho Omwoyo Orikwera. Kikahandiikwa, “Buzimazima MUKAMA Ruhanga takora kintu kyona,Atabandize kukishuuruurira bairu be baanabi” (Amosi 3:7), kandi, “ahakuba tindatiinire kubagambira naama yoona eya Ruhanga.” (Ebyakozirwe 20:27, n`ahandi) kandi hoon »enaama« eyabiire esherekirwe abaana b`omuntu, kwonka obwo ekashuruurwa, “… nk`oku hati eshuuruuriirwe entumwa ze ezirikwera na baanabi omu Mwoyo” (Abaefeso 3:5).

Hati turiyo nitukoragana n`entebeekanisa enkuru ey`okujuna – enaama enkuru: Ruhanga akeyoreka omuri Kristo, Kristo akeyorekyera omu Kanisa ye. Egi naama n`yeshuuruura kandi n`etamu batabani na bahara ba Ruhanga abari kutamburira omu kwikiriza hamwe n`omu kworooba. Abatoreinwe kuruga omu mahanga nibatunga okuteebwa omu baana ba Ruhanga (Abaefeso 1:5 n`ahandi). N`ahabw`ekyo n`abahunguzi ab`omugabo na Ruhanga kandi nibahunguura hamwe na Kristo, batiirwe omu mubiri gumwe hamwe n`abaikiriza abatoreinwe ab`Israeli. Ekanisa eyamazima »ey`omuzigaijo« (Abaheburaayo 12:22-24 n`ahandi) - »abatoreinwe ab`amazima«, abayetsirwe kurugayo – okuruga omu kutandika n`okuhitsya hati ni “mwombekirwe aha musingi gw`entumwa na baanabi, kandi Kristo Yesu niwe ibaare ery`obuhamizo” (Abaefeso 2:20). Ekanisa ni »enju ya Ruhanga« (Abaheburaayo 3:6 n`ahandi), »enyomyo hamwe n`omusingi gw`amazima« (1 Timoseo 3:15), »omubiri gwa Kristo« (1 Abakorinso 12 n`ahandi), »omugore w`omwana gw`entaama« (Okushuuruurirwa 19:7 n`ahandi). Ahabwe we wenka MUKAMA Akagira “Ti b`ensi, nk`oku naanye ntari w`ensi” (Yohaana 17:16). Omu nsi turi abagyenyi kandi abahinguzi (Abaheburaayo 11:13), engyendo zaitu hamwe n`obutuuze bwaitu buri omu iguru (Abafilipi 3:20).

Nk`oku kiri n`kyombeko ekya buriijo ahu abahangu batari kushushana nibetengyesa, tutyo nitwe enyegyesa zitari zimwe na zimwe eziri kwetengyesa ahabw`okwombeka Ekanisa. Okwetwa nk`okwo nikuteebwa omu nkora abashaija abu Ruhanga Arikubaasa kworeka »amazima g`enyine« kandi ashuruura Ekigambo kye omu mubiri kuruga aha kitebe, ari kukuta omu kanwa kaabo. Obuhereza »butaano« buteirweho »ahabw`okwimutsya« kw`omubiri gwa Kristo (1 Abakorinso 12:28; Abaefeso 4:11 n`ahandi). Egi ntebeekanisa ey`obwa Ruhanga ahabw`entebekanisa y`ekanisa ya Kristo ehikire kurugira aha kutandika okuhitsya aha kuhendera kwakwo. Nayobeka Ekanisa Ye ahagati y`amakanisa agandi goona kandi ahendere nikyo kimwe okuhitsya aha izooba rya Kristo (Abafilipi 2:16).

MUKAMA waitu ku Yayetsire abashaija ikumi n`ababiri ab`okubaanza, Akakozesa Ekigambo »entumwa« ekiri kumanyisa “otumirwe” – entumwa ezabiire zitumirwe MUKAMA akazeeta omu buntu. Hati ku haraabe hariho nabi, entumwa, omwegyesa ateirweho kandi atumirwe Ruhanga, tutyo nituhurira ebigambi nibyo bimwe ebya Ruhanga, enyegeyesa nizo zimwe, ahu kiri kuhamibwa: MUKAMA Omwe, okwikiriza kumwe, okubatizibwa kumwe (Abaefeso 4:5). Buri kimwe – yaabe kiri omu buhangwa nari omu kuhanga kw`Omwoyo – nikwiija omu muriingo ogw`abandize nk`omu kutandika. Ekigambo kikaruga ahari Ruhanga kuza ahari baanabi, entumwa zikakitambuza kyagumizamu, kandi abegyesa bakita gye omu byahandikirwe ebirikweera. Nk`oku Ruhanga yayeyorekire omu miriingo miingi nka Omuhangi, Omucunguzi, Omugabe, Omuramuzi n`ebindi n`ebindi kandi tokamushoboroora, nari okumwetegyereza, nitumwakiira kandi twikiriza eby`okureberaho bye n`okwikiriza. Kandi nikwo kiri omu kushuuruurirwa kwe kw`emiriingo etari kushushana ey`Ekigambo kye hamwe n`Omwoyo kuhikira kimwe aha kweyoreka kwe nka Isheboona omu mwana kurabira omu mwoyo Arikweera. Ebiro n`ebiro nigaguma gari amazima, “Ebintu byona nkabiheebwa Tata, kandi tihariho omanya Omwana wa Ruhanga kureka Ishe kandi tihariho omanya ishe, kureka Omwana we n`omuntu weena ou Omwana aikiriza kumushuuruurira.” (Matayo 11:27).

Kishemereire kumanywa: enkora y`obuntu hamwe n`obwengye n`okugarukamu ku ebi Arooni yakozire. Byona eby`Ebigambo bya Ruhanga bishemereire kukozesebwa gye kandi tibishemereire kuteebwa omu muriingo ogundi obwe biri kubishukana; okutaana ahari ekyo, bishemereire kwegyesebwa omu kutwaaza gye kuguma gari amazima. Ekyahandikirwe ekiri kweera nikikozesebwa amadiini 324 hati ezegetiire omu bumwe bw`amakanisa g`ensi yoona. Ebyahandikirwe ebya Bibuli eby`amazima bitiirwe omu nyegyesa egunjirweho abantu. Amakuru ag`amazima gabuzire, ekindi kintu ky`omutaano kiriyo nikituungwa. Ogwe weena otari kweenda kubatizibwa, nagaamba aha ki entumwa yagambire omuri 1 Abakorinso 1:17, “Ahabw`okuba Kristo tarantumire kubatiza, kureka okubuurira engiri.” Weena ari kukunda kushuka abana bato amaizi, nakozesa ekyahandikirwe, “Murekye abaana bato baije ahariinye…” (Mako 10:14b) kandi nagaruka ayoreka n`ahanju ya Kuruneriiya (Ebyakozire 16:30-34).

Ogwe weena ari kwenda kubatiza omu nkora y`obushatu nagaamba aha kutumwa okw`amaani okuri omuri Matayo 28:19, obwe atafiire aha mbatiza eyahandikirweho eri kukorwa omu iziina rya MUKAMA YESU KRISTO omu bunaku bw`entumwa kandi kuraba omu ndagaano entsya okuruga obu ekanisa yatandika (Ebyakozirwe 2:38). Eri iteka ryonka eri hikire eryaturekiirwe tiriri kuteekateekwaho. Omuntu weena ku ari kweenda kurangirira obushatu aha muheru gw`okushaba, nakozesa ekyahandikirwe ekiri omuri 2 Abakorinso 13:13 hamwe n`ahandi. Abo abari kwegyesa ngu ekanisa neija kuraba omu bibonaaboneso nibagamba ahari 1 Abakorinso 15:52, ahu turi kushoma aha kiri kukwata »nzaamba eya aha muheru« aha kyiine akakwate n`okujunwa okwabandize hamwe n`okuhindurwa kw`emibiri yaitu. Nibata iraka ry`enzaamba eriri kweeta kwija aha bugyenyi aha kutwarwa kw`omugore kuba »enzaamba y`ekiboonaboneso« kya mushanju omu kicweka eky`aha muheru eky`ebiboonaboneso. Paulo akaba nabaasa ata kugamba nzaamba ya mushanju omu kitabo ky`okushuuruurirwa, obu Yohaana bwanyima y`emyaka nka makumi ashatu yaretsirwe aha kirwa kya Patimo, ahu yareebire nkandi akahurira ebi yahandikire? Ogwe weena ari kwegyesa »emyooyo egwejegiire omu mucuucu« nagamba ahari Dan 12:2. Ogwe weena otari kwikiririza omu kwiriira, naaha takuha Isakarameento eryo amakuru. Nk`oku hariho abaingi abari kukozesa Ekigambo, kwonka n`eky`obusaasi kugira, t`ekiri nyegyesa ey`amazima hamwe n`Ekigambo eky`amazima eky`abandize, kureka n`enyegyesa y`ebigunjano. Ahabw`okurabira omu kukyeenga kubi eby`ahandikirwe boona nibagyezaho kukozesa eby`ahandikirwe nk`oku barikweenda.

Nikibatsika kugamba aha bigambo by`entumwa na baanabi, kwonka batatungire kwetegyereza ahari byo. Nabi Yeremiya agambire gye aha nshonga ati, “Nimubaasa muta kugira muti; Turi abanyabwengye, kandi ebiragiro bya MUKAMA niitwe tubiine? Haza kunu ekaraamu y`abahandiiki embeihi ebihindwire eby`ebishuba. Abanyabwengye baryahemurwa, bahahaaze emitima, bakwatwe. Reeba, beehakaine Ekigambo kya MUKAMA; Mbwenu ni bwengye ki obu baine?” (Yeremia 8:8-9).

MUKAMA waitu akaba aine kugambira abebembezi b`omwoyo b`obwiire bwe, “Bandamiza busha, Ahakuba enyegyesa ey`ebi beegyesa okuba obuhamizo bw`ediini n`ebiragiro by`abantu… Nimureka ekiragiro kya Ruhanga, ngu mugumye emigyenzo y`abantu.” (mako 7:7-8a + 13). Aho niho nshobi aheeri. Ekigambo ekyabandize kiriyo nkeetbwa aha rubaju burihamwe kandi kiriyo nikihiinganisibwa n`okwikiriza okuri kwikirizibwa abantu, enyegyesa ezigunjwirweho hamwe n`enyegyesa z`abantu. Boona nibakihamya kandi ni bakora kubi gye. Kwonka behekiine omuhanda ogugororookre, nibagamba aha kujunwa kwonka kiatabarimu (Yeremia 5-7). Okurugirira omu kureeba kwa Ruhanga okuramya nk`okwo kwoona okutari kukorwa omu Mwoyo kandi omumazima tikuriho. Ekiri kuhimbisibwa nk`obuhereza owa MUKAMA ekyamazima ni nka ekyabaireho ahari Arooni “okuramya ba ruhanga”. Owa Ruhanga Niwe wenka Arikwebembera ebintu byona ebiri kuruga ahari we. Omu maisho ge ekihikire n`ekyo kyonka ekiri kukorwa okurugirira aha ntebekanise ye y`okujuna eya bandize.

Na munoonga omu Kanisa eya Rooma enkatorika n`etuura omu migyenzo yaayo nka yo, eteine kakwate na Bibuli na kakye, kandi obwo eri kujuriza ebyahandikirwe. Ba Paapa abu ebiro byabo by`okutandika biri ebya Leo ow`okubanza omu mwaka gwa 441 A.D nibakozesa ekihandiiko ekyaheibwe Petero bwanyima y`okutunga Okushuuruurirwa omuri Matayo 16:16-18 aha kikwatireine »n`orukiri« hamwe »n`ebishumuruzo by`obukama« n`ebindi n`ebindi nk`oku okuhikirira kwabyo kuri. Okuhabisibwa nikuretwaho obutetegyereza, envunuura mbi hamwe n`okuta Ekigambo omu mwanya gutari gwakyo.

Omu madiini goona n`omu bigoombe by`okugarurwa butsya ebyizireho kuruga omu kugarurwaho kw`ebintu omu muriingo gwabyo nitushangamu ekintu nikyo kimwe. Bwanyima y`orutaro rw`ensi yoona orwa kabiri, ow`eshe-emwe Branham akakozesebwa Ruhanga okuretaho entandikiriro. Kandi hoona obutetegyereza by`ahandikirwe hamwe n`ebihandiiko biriyo nibrangirirw. Buri kaanya engiri endiijo neijaho, eriho omukyeeno (Abagalatia 1:6-10). Endiijo ngiri kandi ondiijo kristo nayegyesibwa kandi ariyo nayorekwa nk`ogwo ohikire. Enshonga yoona eyebembiirwe Omwoyo gutari kwtegyerezibwa, guri kuhumbisibwa nk`Omwoyo Orikweera. Ezi nshonga ishatu eziine akakwaate na yesu ondiijo, Omwoyo ondiijo, endiijo njiri ei Paulo yaagambireho omu a Abakorinso 11:4. Omwo honyine niho nshobi eya amaani ey`okuhabisa omu nyikiriza hamwe n`okubihabiha eri, ahu abo bonka abatoreinwe barizire kuhonera ahabw`okuba tibakabaasa kubihabiihwa.

Ekyokureberaho omuntu nabaasa kujurira ngu Yesu Kristo n`omwana wa Ruhanga owaiziire omu mubiri. Okutwariza hamwe enshonga eygambirweho omuri 1 Yohaana 4:2 nikikiirizibwa ngu ebaase kuhikwaho, “Aha niho tumanyira Omwoyo wa Ruhanga; buri gwona ogugamba ku Yesu Kristo yaiiire omu mubiri, guba niguruga ahari Ruhanga…” Tibari kukyetegyereza ngu yesu ondiijo munonga ariyo naburiirwa, »omwana« owabiire atakabireho. Kwonka »omwana« nk`ogwo takabaho ga. Tihariho »mwana« owahindukire kuba »omwana« kureka Ekigambo nikyo kyahindukire omubiri kandi kikatura hamwe niitwe (Yohaana 1:1+14). Omu kutandika hakaba hariho Ekigambo, ekyabiire kyine amaani g`okuhanga, okreebuka btunu okwa Ruhanga otari kureebwa. Akaba ari Yahwe owabiire yaabireho omu muriingo gw`okureebwa kandi Akatamburira omu musiri gwa Edeni Ou omu kishushani kye nimwe twahangiirwe. Ogwe Niwe Mujuni owa mazima, Yah-shua, eki kiri kumanyisa »Yahweh-Omujuni«, nka Immanuleli ekiri kumanyisa »Ruhanga Ari niitwe«.

Ti buri kimwe ekirikweetwa “Omukristaayo” ngu kyiine akakwate na Kristo. Ti buri kimwe ekirikweetwa “ekya Bibuli” ngu kyiine akakwate na Bibuli, ti buri kimwe ekiri kweetwa “obutumwa” ngu kyiine akakwate n`entumwa. Ti buri kimwe ekiri kweetwa »pentekooti« ngu omu mazima nikikirizana na pentekooti eyabandize. Ti boona abari kugira, “MUKAMA, MUKAMA”, naija kutaaha omu bukama bwa Ruhanga, n`obu baraabe baragwiire, bakakiza abarwiire, bakashohoza za dimoni n`ebindi n`ebindi. (Matayo 7:21-23). Omu madiini goona abahereza abari kushashurwa nibarwanirira enyikiriza zaabo hamwe n`envunuura zaabo n`ebikorwa. Ekigambo ekyabandize ekitiine kamogo nk`oku kyarugire omu kanwa ka Ruhanga ti kyakiriho. Obuhame oburiho n`obwa amashomero g`amadiini. 

Ow`eishe-emwe Branham, nabi, omugabirizi w`ebirungi hamwe n`ebibi kuruga ahari Ruhanga, akaba ari ow`omutaano omuri boona ababurizi b`engiri ab`omugigi gwe. Akaba ari omushaija buzima atumirwe kuruga ahari Ruhanga ou omukanwa ke Ekigambo kyabire kiri amazima. Akaretaho okwegyesa kwa Bibuli okw`abandize okutiine katokoozi koona. Akaba ahamisiriza, “Gamba nk`oku ebyahandikirwe biri kugira kandi yikiriza nk`oku ebyahandikirwe biri kugira.” Akaba ahamisiriza ekyo ekihikire omu maisho ga Ruhanga kandi hona n`eki baanabi hamwe n`entumwa baayegiise omu iziina rya MUKAMA. Akeeta abantu ba Ruhanga kugaruka ahari Bibuli. Akwiitse Bibuli omu maisho ga abantu, akagira, “This is my absolute”. N`amazima »Obutumwa obw`aha muheru« nigo mazima »Obutumwa obw`abandize« - Ekigambo ekyabaire kiriho omu kutandika (1 Yohaana 1). N`eky`omugasho munonga kugira okwetegyereza okuhikire okw`ahandikirwe kandi okw`agambirwe okuri kuguma kuri okw`amazima. Oku okwetegyereza okw`abwa Ruhanga okw`ebyahandikirwe nikubasa kuheebwaMUKAMA owazookire weenka ahari abo abari kutambura nawe nk`oku kyabire aha ntumwa omuri Emau (Luka 24).

Omu kanisa eya mazima hati harimu okutwaaza kw`obwa Ruhanga kumwe, okwegyesa hamwe n`ebikorwa nk`oku kyabaire kiri bwambere nambere. Kwonka omuntu nabaasa ata kuburira nikyo kimwe, shana yaba nayetwa omuhereza wa MUKAMA kandi owayohereziibwe ahabw`egyo nshonga egyo yenyine (Abarooma 10:15)? Owayohereziibwe ashemereire kweetwa kandi akatumwa atakagyenzire. Owa Ruhanga tihariyo kutumwa hatariho kubanza kweetwa. Okuza omu mashomero g`aba siminariyo hamwe n`amashomero g`okweega Bibuli hamwe n`okugarukamu kw`ebyahandikirwe nibishangwa omu bahereza boona. Hona nabwe ekibuuzo nikigumaho, n`oha aine okwetwa kw`omu iguru (Ebyakozirwe 26:12-23) kandi akikirizibwa kukwata Ekigambo? Omu kanwa ke konka Ekigambo kya Ruhanga nikiija kuguma gari amazima, kandi ahabw`okugira obushoborozi bw`obwa Ruhanga naija kuhindura Ekigambo eky`obwa Ruhanga, nk`oku Paulo yahandikire.

Abo bona abataine kwetwa kw`obwa Ruhanga nibahereza Ruhanga omu muriingo gwabo nk`abo omu makanisa gabo kandi bariinda enyegyesa ezi barahiire kworobera. Kwonka hona nabwe kikahandiikwa, “… kandi ku wayetegereize abeeyeta entumwa, haza batari bo, okshanga bari ab`ebishuba.” (Okush. 2:2b). Ogwe orikugyeza ondiijo erizooba nari akeeta omu kugyezesibwa kw`Ekigambo, kureeba yaaba enyegyesa hamwe n`ebikorwa nibishushana n`ebya ab`entumwa? Boona ni behimbisa, kandi omuntu ahari kugarikiza kuza ahaiguru niho ahari kugarikiza kugira ekitinisa – buri hamwe ahu turi kushanga »okubunya kw`engiri okwa Amerika« okwiine akakwate n`okwehimbisa hamwe n`okwemanya obugaiga. Hati n`obunaku bw`aha muheru: buri kimwe kihunzirwe nk`eky`obukristaayo kandi nikireterwa kwikirizibwa buri omwe. Kwonka ni nkahi ahu turi kushanga obwa`amazima?